“Размаўляй, пішы, твары па-беларуску”.
Тыдзень беларускай мовы і літаратуры ў нашай школе прайшоў з 10.02 па 15.02 пад дэвізам “Размаўляй, пішы, твары па-беларуску”.
Эпіграф тыдня
Як ёсць цяпер, не будзе так заўжды,
Дасць людзям розум Бог абавязкова,
Няхай не зараз, пройдуць хай гады,
Ды вернецца народу продкаў мова.
Мэта правядзення тыдня: выхаванне цікавасці да вывучэння роднай мовы і нацыянальнай культуры праз самарэалізацыю вучняў у разнастайных творчых і інтэлектуальных мерапрыемствах.
Удзельнікі: вучні 3- 9 класаў
Адказная за правядзенне: настаўніца беларускай мовы і літаратуры Мінчанкова Т.І.
У рамках тыдня былі праведзены наступныя мерапрыемствы: інтэлектуальная гульня “Разумніцы і разумнікі”, квэст-гульня “Адкрываю...нанова беларускае роднае слова”, гульня “Поле цудаў” па тэме “Знаўцы мінулага”, гульня-падарожжа “Я-беларус! Я нарадзіўся на гэтай казачнай зямлі”, інсцэніроўка беларускіх баек і казак “Запрашаем у тэатр”, конкурс лістовак “Роднае слова”, калейдаскоп выразнага чытання вершаў, конкурс ілюстрацый да беларускіх твораў.
Навучэнцы актыўна, з зацікаўленасцю ўдзельнічалі ў мерапрыемствах, праяўлялі пазнавальную цікавасць, творчыя здольнасці.
